Bu təlimlər Rusiya tərəfindən NATO-ya qarşı yönəlmiş addımdır -AÇIQLAMA
Bu ilin sentyabrında Rusiya və Belarusun birgə təşkil etdiyi “2025 Birgə Təlimləri” hərbi dünyanın diqqət mərkəzinə çevrilib. 12 sentyabrda başlayan və 16 sentyabrda başa çatacaq bu təlimlər yalnız qoşunların taktiki bacarıqlarını yoxlamaqla kifayətlənmir; onlar həm də regionda geosiyasi təsir və hərbi əməkdaşlığın səviyyəsini nümayiş etdirir. Təlimlərdə iştirak edən hərbi kontingent nüvə silahlarından və Areşnikk raket kompleksindən istifadə praktikasını öyrənməklə yanaşı, müxtəlif strateji ssenarilərdə öz bacarıqlarını sınayır.
Maraqlıdır bu təlimlər ilə Rusiya dünyaya nə kimi mesaj verir ümumən gedişat nəyə işarə edir?
Məsələ ilə bağlı Crossmedia.az-a açıqlama verən hərbi ekspert Ədalət Verdiyev əslində bu təlimlərin NATO-nun şərq qanadında yerləşən ölkələrə təsir göstərmək və onlara təzyiq etmək məqsədini güddüyünü qeyd edib: “2025 Birgə Təlimləri” Rusiya və əsasən Belarus qoşunlarının iştirakı ilə keçirilir. Təlimlər 12 sentyabrda başlayıb və 16 sentyabrda başa çatması planlaşdırılır. Təlimlərin əsas məqsədi iştirakçı hərbi qulluqçuların nüvə silahlarından və "Oreşni"k raket kompleksindən istifadə bacarıqlarını inkişaf etdirməkdir.
Rəsmi açıqlamalarda təlimlərin müdafiə xarakteri daşıdığı bildirilir. Lakin ekspertlər qeyd edirlər ki, əslində bu təlimlər NATO-nun şərq qanadında yerləşən ölkələrə təsir göstərmək və onlara təzyiq etmək məqsədini güdür.
Hindistanın bu təlimlərdə iştirakı ABŞ ilə münasibətlərin gərginləşməsi fonunda baş verib. Hindistanın hərbi heyəti Rusiya ilə birgə NATO ölkələrinə qarşı hücum elementlərini praktiki şəkildə sınaqdan keçirir. Hazırda Hindistanın təxminən 70 nəfərlik kontingenti Nijniqorod vilayətində, Mulino poliqonunda yerləşir və təlimlərdə aktiv iştirak edir".
Ekspert həmçinin Hindistanın bu təlimlərdə iştirakını Pakistan qarşısında özünü gücləndirməsi məqsədini daşıdığını qeyd edib: "Bundan əlavə, Hindistanın hava qüvvələrinin kiçik bir heyəti də təlimlərdə iştirak edir ki, bu da Pakistan qarşısında zəif təəssürat bağışlayan hava qüvvələrinin bacarıqlarının artırılmasına xidmət edir.
Təlimlərdə ABŞ da daxil olmaqla, 56 ölkədən müşahidəçilər dəvət olunub. Onların əksəriyyətini akkreditə olunmuş səfirliklərin hərbi ataşeləri təşkil edir. Gələcək günlərdə bu ataşelər təlimlə bağlı hesabatlarını təqdim edəcək və bu hesabatlardan sonra təlimlərin tərkibi və nəticələri daha ətraflı şəkildə məlum olacaq".
Elmir Heydərli
15:17 16.09.2025
Oxunuş sayı: 19984
