NATO silahlanır: Rusiya- Ukrayna müharibəsi yeni risklər yaradır
NATO-nun Baş katibi Mark Rütte alyans üzvlərini Rusiya ilə sərhədi olmayan ölkələr də daxil olmaqla, Rusiyanın ən yeni raket texnologiyalarının yaratdığı potensial təhlükəyə qarşı xəbərdar edib. Baş katib Lüksemburqda keçirdiyi mətbuat konfransında bildirib ki, Avropanın uzaq bölgələri belə raket hədəsi qarşısında üç-on dəqiqə kimi qısa bir zamanda risk altında qala bilər və bu təhlükənin NATO-nun bütün üzvlərinə aid olduğunu vurğulayıb. Rütte həmçinin ABŞ-nin alyansın maraqlarına sadiqliyini təsdiqləyərək, təhlükəsiz Atlantika, Avropa və Arktikanın ABŞ üçün də həyati əhəmiyyət daşıdığını qeyd edib.
Baş katibin səsləndirdiyi fikirlər barədə Crossmedia.az-a danışan politoloq Məhəmməd Əsədullazadə deyib ki, Şərqi Rusiyanın aqressiv siyasəti NATO daxilində və Avropa ölkələri arasında ortaq məxrəcin yaranmasına səbəb olub : "O, həm də Rusiyadan uzaq Alyans ölkələrini nəzərdə tutur. Həqiqətən də, indiki müasir roket texnologiyası ilə birbaşa Moskvadan Amsterdamı və ya digər Qərbi Avropa ölkələrini vurmaq daha asandır. Ona görə də NATO baş katibi, təşkilata daxil ölan ölkələri daha çox güclənməyə, müasir silahlara sahib olmağa daha çox vəsait ayırmağa çağırıb".
Müsahibimiz bildirib ki, Rusiya- Ukrayna müharibəsi yeni təhlükəsizlik riskləri yaradır: "Təbii ki, başkatibin mövqeyi anlaşılandır. Bu, NATO-nun inkişafının, Rusiya qarşısında daha da silahlanmaya gedəcəyinin bir mesajıdır. Həmçinin digər tərəfdən Çin təhlükəsi də var. NATO ölkələrinin liderləri ilə görüşlər keçirilir. Ümumi daxili məhsulun 5%-nin silahlanmaya cəlb olunmasına çalışılır. Proseslər ümumilikdə bu istiqamətdədir. Artıq Alyans güclənir. Nəinki Rusiyaya sərhəd, qonşu olmayan ölkələrin də silahlanması prioritetdir".
Niyaz Hacıyev
13:26 03.09.2025
Oxunuş sayı: 8773
