Rusiya dayanmayacaq: Növbəti hədəf açıqlandı
BŞ prezidentinin xüsusi nümayənd Stiven Uitkoff CNN telekanalına müsahibəsində deyib ki, Rusiya tərəfi Ukraynanın beş bölgəsi ilə bağlı güzəştə gedib.
Sülh üçün Ukraynanın əsas şərtlərindən biri Rusiyanın işğal etdiyi Ukrayna torpaqlarını boşaltması və ərazi bütövlüyünü tanımasıdır. Rusiya isə işğal etdiyi torpaqları əlində saxlamaq istəyir. Lakin Uitkofun açıqlaması Rusiyanın güzəştə gedəcəyini bildirir. Əgər Rusiya bu torpaqları güzəştə getsə Ukraynanın əsas tələblərindən biri həll edilmiş olur. Bu situasiya isə tərəfləri sülhə daha da yaxınlaşdırır.
Uitkoffun səsləndirdiyi fikirlər barədə Crossmedia.az-a danışan hərbi ekspert Azad İsazadə deyib ki, Ukrayna beş ərazini verməyə hazır deyil: "Beş ərazidən maksimum üçünü Rusiya nisbətən işğal edib. Krımla Luqansk vilayəti Rusiya tərəfindən tam, Donetsk isə 75% işğal olunub. Biz Qarabağın, Gürcüstan Osetiyanın işğalı ilə barışmadığı kimi Ukrayna da bunu etməyəcək. Hətta hansısa təzyiqin nəticəsində tanısa belə, bu sülh demək deyil. Rusiya dayanmayacaq. İşğal etdiyi 5 ərazidən sonra Rusiya Odessanı və Qara dənizi tam nəzarətə götürmək istəyəcək. Ona görə inanmıram ki, hansısa sülh imzalansın. İndi sadəcə o ola bilər ki, Rusiya işğalı dayandırsın və ciddi danışıqlar prosesinə başlasınlar”.
Ayhan
15:46 18.08.2025
Oxunuş sayı: 9729
