Zelenski: "Krım verilməməli idi"
Müharibənin tez və etibarlı şəkildə başa çatması hamının arzusu olsa da, bu sülh uzunmüddətli olmalıdır. Onun sözlərinə görə. İllər əvvəl Ukraynanı Krımı və Donbasın bir hissəsini verməyə məcbur etdilər, lakin Rusiya bunu yeni hücum üçün plasdarm kimi istifadə etdi.
Crossmedia.az xəbər verir ki, bunu Ukrayna Prezidenti Volodimir Zelenski "X"də yazıb.
Zelenski həmçinin 1994-cü ildə Ukraynaya verilən təhlükəsizlik zəmanətlərinin işləmədiyini xatırladıb və vurğulayıb ki, həmin vaxt Krımı vermək düzgün deyildi: "Ukraynalılar indi olduğu kimi o vaxt da mübarizə aparmalı idilər. 2022-ci ildən sonra biz Kiyevi, Odessa və Xarkovu vermədik. Ukrayna xalqı öz torpağı və müstəqilliyi uğrunda döyüşür”. Prezident qeyd edib ki, hazırda Ukrayna ordusu Donetsk və Sumı vilayətlərində uğurlar əldə edir".
Zelenski ABŞ Prezidenti Donald Trampa, Amerika xalqına və bütün tərəfdaşlara dəstəyə görə təşəkkür edib. Onun sözlərinə görə, Rusiya başladığı bu müharibəni dayandırmalıdır: “Ümid edirəm ki, ABŞ və Avropa ilə birgə gücümüz Rusiyanı ədalətli sülhə məcbur edəcək”.
Mehriban Yariyeva
11:44 18.08.2025
Oxunuş sayı: 1569
