Putindən manipulyativ addım: "Ukrayna dörd aydırdır ki, sülh üçün çalışır, amma..."
Avqustun yeddisində Ukrayna Prezidenti Volodimir Zelenski ilə amerikalı həmkarı Donald Tramp arasında telefon danışığı olub. Liderlər davam edən müharibənin gedişini müzakirə ediblər.
Bu, dövlət başçılarının həftə ərzində ikinci telefon danışığıdır.
Trampın danışıqlara başlamaq üçün Rusiyaya verdiyi on gün bitmək üzrədir. Bu ərəfədə ABŞ və Ukrayna dövlət başçıları təmasların intensivləşməsi diqqət çəkir. Maraqlıdır, Trampla Zelenski nəyə hazırlaşırlar?
Bu barədə Crossmedia.az-a danışan politoloq, Beynəlxalq Münasibətlərin Təhlili Mərkəzinin eksperti Sultan Zahidov yaxın gələcəkdə sülh sazişinin imzalanacağına inanmadığını bildirib: "Ən yaxşı halda məhdud atəşkəs əldə oluna bilər. Çünki Rusiya hazırda geri çəkilmək niyyətində deyil və atəşkəsin olmasını istəmir. Kreml düşünür ki, atəşkəs əldə olunarsa, Ukrayna bundan istifadə edərək mövqeyini gücləndirə bilər. Rusiya konkret olaraq Ukraynanın Donetsk, Luqansk, Xerson və Zaporojyen boşaltmasını, Krımdan imtina etməsini tələb edir. Moskvanın şərtlərinə görə, Ukrayna neytral olmalı və NATO-ya girməməlidir. Rusiya müharibənin bitməsi üçün elə şərtlər olur ki, heç Birinci dünya müharibəsində məğlub olan Almaniya qarşısında belə tələblər qoyulmamışdı. Bu şərtləri qoyan dövlət ABŞ-nin sanksiyalarına görə geri çəkilərmi? Əlbəttə ki, xeyr. Rusiya Prezidenti Vladimir Putin manipulyativ addımlar atır və özünü sülhə hazır kimi göstərir. Hazırda Ukraynada Avropadan ABŞ silahlarını almaqdadır. Tramp Avropa vasitəçiliyi ilə Ukraynaya silah satılmasına "yaşıl işıq yandırdı". Silahlar Ukraynaya gedəcəksə, biz sülh barədə danışa bilmərik. Rəsmi Kiyev dörd aydır ki, sülh üçün danışıqlar aparılmasını istəyir. Amma Moskva məsələ ilə bağlı heç bir addım atmır. Bu da prosesin uzanmasına səbəb olur”.
Ayhan
15:03 07.08.2025
Oxunuş sayı: 15908
