Ballistik raketlər işə düşür: "Moskvanın strateji obyektləri, Peterbruq vurulacaq"
ABŞ avqustun 8-də Rusiyaya qarşı yeni ikinci dərəcəli sanksiyalar paketini tətbiq etmək niyyətindədir.
Bu barədə “Reuters” agentliyi Ağ Evə istinadən məlumat yayıb.
“İkinci dərəcəli sanksiyaların tətbiqi hələ də cümə gününə planlaşdırılır”, - məlumatda deyilir.
Məlum olduğu kimi, Vaşinqton daha əvvəl danışıqlara başlamaq üçün Moskvaya avqustun səkkizinə qədər vaxt vermişdi. Bu vaxt sabah tamam olur. Görünən odur ki, Kreml Ağ Evin xəbərdarlığına əhəmiyyət vermədi. İndi əsas sual budur: Rusiya bundan sonra hansı addımlar atacaq? Sadəcə iqtisadi təzyiq vasitələri, o cümlədən sanksiyalarla Rusiyanı "yıxmaq" mümkün olacaqmı?
Politoloq Natiq Miri mövzu ilə bağlı fikirlərini Crossmedia.az-la bölüşüb: “ABŞ prezidenti Donald Tramp xüsusi nümayəndəsi Stiv Uitkoffu Rusiyaya həmkarı Vladimir Putinlə son danışıqlar aparmaq üçün göndərib. Rusiya rəhbərliyinin də açıqlaması var. Eyni zamanda Ukrayna prezidenti Volodimir Zelenski də açıqlamasında qeyd edib ki, Trampla telefon danışığından sonra Rusiyanın atəşkəs məsələsinə meyilləndiyi qənaətindədir. Rusiyanın bu addımları ABŞ-nin Rusiyayaya tətbiq edəcəyi məhdudiyyətlər və sanksiyalardan qaçmaq xarakteri daşıyır. Ona görə də Rusiya Tramp ilə danışıqlara və atəşkəsə meyilli olduğunu göstərib. ABŞ Rusiyanın bu cür davranışlarını "baltalamamaq" üçün 8 avqustda tətbiq edəcəyi sanksiyalar paketini növbəti görüşə kimi təxirə salacaq. Ancaq o da mümkündür ki, bu sanksiyalar qismən tətbiq olunsun. Bu şərtlə ki, Rusiya atəşkəsə, sülh prosesinə razı olsun. Ancaq təbii ki, Rusiya əgər növbəti dəfə zamana oynamaq siyasətinə üstünlük verərsə, bu sanksiyalar tətbiq olunacaq".
Onun sözlərinə görə, bu proses təkcə sanksiyaları yox, həm də Ukraynanın silahlanmasını özündə ehtiva edir: "Bu da Rusiyaya çox böyük itkilər vəd edir. Rusiya artıq anlayıb ki, xüsusi xidmət orqanlarının binalarının, Moskvanın strateji obyektlərinin, Peterburqun vurulması çox yaxındır. Çünki Ukraynaya ballistik raketlərin verilməsi ilə bərabər özü də Avropa İttifaqı (İA) ilə birgə istehsal etdiyi ballistik raketləri dövriyyəyə buraxılacaq”.
Ayhan
13:28 07.08.2025
Oxunuş sayı: 14289
