Türkiyənin media nümayəndələri “ASAN xidmət”də olublar
Ölkəmizdə səfərdə olan Türkiyə Jurnalistlər
Cəmiyyətinin nümayəndə heyəti “ASAN xidmət” mərkəzinin fəaliyyəti ilə tanış
olub.
Crossmedia.az xəbər verir ki, Azərbaycan
Respublikasının Prezidenti yanında Vətəndaşlara Xidmət və Sosial İnnovasiyalar
üzrə Dövlət Agentliyinin İctimaiyyətlə əlaqələr şöbəsi məlumat verib. Verilən məlumata
görə, qonaqlara Prezident İlham Əliyevin təşəbbüsü əsasında yaradılmış “ASAN
xidmət” mərkəzləri və sosial innovasiyalar istiqamətində həyata keçirilən layihələr
barədə məlumat verilib, hazırda Azərbaycanın bu intellektual brendinin 30-dan
çox ölkəyə ixrac edildiyi diqqətə çatdırılıb.
Media nümayəndələri Prezident İlham Əliyevin
şəxsi təşəbbüsü ilə yaradılan “ASAN xidmət”in onlarda yüksək təəssürat
yaratdığını və əhalinin dövlət xidmətlərinə əlçatanlığının təmin edilməsində
mühüm rol oynadığını vurğulayıblar.
Həmçinin nümayəndə heyətinə “INNOLAND”
İnkubasiya və Akselerasiya Mərkəzi, Səyyar ASAN xidmət, "ABAD" publik
hüquqi şəxsin və ASAN TV/Radionun fəaliyyəti ilə əlaqədar ətraflı məlumat
verilib.
11:27 30.07.2025
Oxunuş sayı: 1905
