Xarici xəbərlər

Ukrayna-Şimali Koreya hərbiçiləri üz-üzə - III Dünya Müharibəsi

Ukrayna prezidenti Vladimir Zelenski Şimali Koreyanın Rusiyaya yardım göndərməsi ilə bağlı reaksiya verib.

Crossmedia.az CNN-ə istinadla xəbər verir ki, Zelenski Rusiyanın Şimali Koreya kimi avtoritar rejimlə əməkdaşlıq etməsinin Kremlin təcrid vəziyyətinə düşdüyünü və bu təcridin onun daha təhlükəli müttəfiqlərlə yaxınlaşmasına səbəb olduğunu bildirib.

Zelenski çıxışında Rusiyanın müharibədə xarici dəstək axtarışına ehtiyac duymasını onun zəifləməsi kimi şərh edib. O, bu vəziyyətin beynəlxalq birlik üçün bir xəbərdarlıq, eyni zamanda müttəfiqlərin Ukraynaya dəstək verməyi daha da gücləndirməli olduqlarını bildirib.

Onu da bildirək ki, Şimali Koreyanın əsgərlərini Rusiyaya göndərməsi ilə regiondakı gərginlik daha da artıb, xüsusilə də Ukrayna müharibəsi yeni, daha mürəkkəb bir mərhələyə qədəm qoyub.

Qeyd edək ki, hərbi dəstəyin beynəlxalq hüququn pozulması kimi qəbul edilə biləcəyi və bu səbəbdən Şimali Koreyanın özünün də əlavə sanksiyalarla qarşılaşa biləcəyi ehtimal edilir.

Nəzrin Salmanova