Azərbaycan və Türkiyə nümayəndələri arasında iki dövlət arasında əməkdaşlığın Cənubi Qafqaza təsiri müzakirə olunub
Beynəlxalq Münasibətlərin Təhlili Mərkəzində (BMTM) Türkiyənin aparıcı media qurumlarının təmsilçiləri ilə görüş keçirilib.
Crossmedia.az xəbər verir ki, Türkiyə Mətbuat Federasiyasının Baş direktoru Sinan Burhanın rəhbərlik etdiyi nümayəndə heyətinin tərkibinə Hürriyet, Kanal D, TürkMedya, Akşam, Haber7, Takvim, Kanal 24, Türkgün qəzeti, Millet Haber Ajansı, KonTV kimi aparıcı media qurumlarının təmsilçiləri daxil idi.
Görüşdə Azərbaycan-Türkiyə əməkdaşlığının yüksələn dinamikasına, bütün səviyyələrdə aparılan müntəzəm ikitərəfli və çoxtərəfli təmaslara, mövcud müttəfiqlik münasibətlərinin Cənubi Qafqaz və daha geniş regionda mühüm amil kimi çıxış etməsinə diqqət çəkilib.
Həmçinin, regional və qlobal məsələlər ətrafında fikir mübadiləsi aparılıb. Türkiyə media təmsilçilərini maraqlandıran suallar cavablandırılıb.
Kənan Novruzov
15:21 18.07.2025
Oxunuş sayı: 10055
