Çin mediası: “Artıq Rusiya və İrana yerini göstərən Azərbaycan var”
Çin nəşri “South China Morning Post” Azərbaycanla bağlı maraqlı analitik məqalə dərc edib.
Crossmedia.az xəbər verir ki, məqalədə qeyd olununa görə, tarixən İran və Rusiya ilə sıx bağlı olan Azərbaycan bu gün qonşuları ilə münasibətləri yenidən quraraq Avrasiya regionunda əsas oyunçulardan birinə çevrilməyə çalışır. Bu proses, keçmiş müstəmləkə hökmdarları ilə diplomatik gərginliyin artması bahasına başa gəlsə belə, Bakının strateji hədəflərindən biridir.
Qeyd olunur ki, 2023-cü ildə Qarabağın Ermənistandan qəti şəkildə geri alınmasından güc alan Azərbaycan, müstəqilliyini nümayiş etdirmək üçün geniş strateji tərəfdaşlıq şəbəkəsinə əsaslanır.
Məqalədə vurğulanır ki, artıq tabe olan qonşu kimi davranmaqdan imtina edən Azərbaycan, Moskva və Tehrana qarşı fərqli mövqe sərgiləyir. Bakı bu siyasətində İsrail, Türkiyə, nüvə silahına malik Pakistan, strateji tərəfdaş Çin və əhalisinin əksəriyyəti türk olan keçmiş sovet respublikalarından ibarət koalisiyaya arxalanır.
Mədinə Cəlilova
15:00 17.07.2025
Oxunuş sayı: 11361
