“Rusiya-Ukrayna müharibəsi bu tarixdə bitəcək...”
ABŞ prezidenti Donald Trampın hakimiyyətə gələrkən verdiyi vədlər arasında Rusiya-Ukrayna müharibəsini 24 saat ərzində bitirmək də var idi. Lakin müharibə heç cür bitmədi, Rusiya ilə edilən danışıqlar da öz nəticəsini vermədi. ABŞ hazırda NATO vasitəsilə Ukraynanı yenidən silahlandırır və Avropa İttifaqının Rusiyaya tətbiq etdiyi sanksiya paketlərinə dəstək verir. Hadisələr bu məcrada irəliləsə proseslər necə inkişaf edəcək? Müharibənin bitməsinə yaranan ümidlər artıq puçamı çıxdı?
Mövzu ilə politoloq Zeynal Əmrəliyev Crossmedia.az-a açıqlama verib:
“ABŞ və Rusiya arasında Donald Tramp hakimiyyətə gəldikdən sonra danışıqlar baş tutmuşdu. Danışıqlar prosesində gələcəyə müəyyən ümidlər var idi ki, Rusiya, ritorikasında yumşalma edə bilər və Ukryaynaya güzəştlər edər. Düzdü ABŞ Ukraynadan çox şey tələb edir. Hansı ki, bu tələblər kapitulyasiyaya bənzəyir. Lakin “Ağ ev” də düşünür ki, Rusiya da müəyyən qədər güzəştə getməlidir. Danışıqlar prosesində məlum olur ki, Rusiya tərəfi münaqişəni sonlandırmaq niyyətində deyil. Rusiya faktiki şəkildə müharibə aparmaq və Donbassı ələ keçirmək istəyir. Donbass vilayətini ələ keçirdikdən sonra Rusiya müharibəni dayandıracaq. Rusiyanın əsas məqsədi Ukraynanı təmamilə işğal edib burda kukla dövlət yaratmaqdır. Belarus ilə necə ki, ittifaq dövlət olmuşdu, Ukrayna ilə də həmçinin elə olmaq niyyətindədir. Rusiya hazırda Slavyan imperiyası sərhədlərini bərpa etməyə çalışır. Ehtimaldır ki, Donbask bölgəsi işğal edildikdən sonra müharibə dayanacaq. ABŞ müharibəni ən tez şəkildə dayandırmaq istəyirdi lakin Rusiyanın planları tam şəkildə həyata keçmədiyi üçün müharibə hələ də davam edir. Bu səbəbdən ABŞ-də Rusiyaya qarşı sərt mövqe sərgiləyir”.
Ayhan
13:55 16.07.2025
Oxunuş sayı: 998
