Ərdoğan: “İsrailə beynəlxalq təzyiqlər artırılmalıdır”
“İsrailə beynəlxalq təzyiqlər artırılmalıdır. Fələstin məsələsi üçün səylərimizi davam etdirəcəyik”.
Crossmedia.az xarici KİV-ə istinadən xəbər verir ki, bu sözləri Türkiyə Prezidenti Rəcəb Tayyib Ərdoğan Türkiyə-Qırğızıstan Yüksək Səviyyəli Strateji Əməkdaşlıq Şurasının toplantısında deyib.
O, bildirib ki, İsrailin Livana qarşı hücumları bütün bölgə təhlükəsizliyini və beynəlxalq sistemi təhdid edir:
“Şuşada keçirilən qeyri-rəsmi Türk Dövlətləri Təşkilatı Zirvəsində, Qəzzada mülki vətəndaşların ayrı-seçkilik olmadan hədəf alınmasını pisləmiş, təcili atəşkəs və humanitar yardım çağırışı etmişdik. Türk dünyası olaraq Fələstin məsələsinin daimi və ədalətli həlli üçün səylərimizi davam etdirməyimiz olduqca vacibdir”.
Həmçinin, Ərdoğan BMT-yə, xüsusilə də, Qırğızıstana İsrailə beynəlxalq təzyiqləri artırmaq üçün verdiyi dəstəyə görə təşəkkür edib.
Nəzrin Salmanova
11:37 05.11.2024
Oxunuş sayı: 9191
