Əminə Əliyeva: "Növbəti hədəfim Olimpiya çempionu olmaqdır"
İki ildən sonra Olimpiya Oyunları keçiriləcək. Orada yaxşı çıxış edəcəyimə ümid edirəm.
Crossmedia.az xəbər verir ki, bunu kunq-fu üzrə Azərbaycan millisinin tərkibində dünya çempionu olan Əminə Əliyeva deyib.
Gənc idmançının sözlərinə görə, İtaliyanın Peruca şəhərində keçirilən yarışda qızıl medal qazanmaq onun üçün elə də asan olmayıb.
Əminə Əliyeva növbəti hədəfini də açıqlayıb. O, Olimpiya çempionu olmaq istədiyini bildirib.
Qeyd edək ki, İtaliyanın Peruca şəhərində keçirilən dünya çempionatında yüksək nəticələr əldə edən kunq-fu üzrə Azərbaycan millisinin üzvləri Vətənə qayıdıblar.
Onları Heydər Əliyev Beynəlxalq Aeroportunda media mənsubları, azarkeşlər və idmançıların yaxınları qarşılayıblar.
“Light sanda” növü üzrə mübarizə aparan idmançılarımız yarışı 5-i qızıl, 2-si gümüş olmaqla, ümumilikdə 7 medalla başa vurublar.
Qızların yarışında Əminə Əliyeva (11 yaş, 38 kiloqram) dünya çempionu olub.
Oğlanlar arasında isə Rəsul Əsgərov (11–12 yaş, 36 kiloqram), Hüseyn Əliyev (13–15 yaş, 48 kiloqram), Toğrul Mikayılov (böyüklər, 65 kiloqram), Eller Orucov (böyüklər, 75 kiloqram) qızıl, Əli Baxışov (11–12 yaş, 33 kiloqram) və Əkbər Əhmədzadə (13–15 yaş, 70 kiloqram) gümüş mükafata yiyələniblər.
Azərbaycan yığması bu nəticə ilə komanda hesabında isə 3-cü yerin sahibi olub.
09:15 20.05.2025
Oxunuş sayı: 968
