AMF: Dünya çempionatını Azərbaycanın adına layiq səviyyədə keçirmək istəyirik
Dünya çempionatının Azərbaycanın adına layiq səviyyədə keçməsini istəyirik.
Crossmedia.az xəbər verir ki, bunu Bakıda keçiriləcək Minifutbol üzrə dünya çempionatına həsr olunan mətbuat konfransında Azərbaycan Minifutbol Federasiyasının (AMF) icraçı vitse-prezidenti Taleh Nəsibov deyib.
Federasiya rəsmisi mundialın maraqlı keçəcəyinə əmin olduğunu söyləyib:
"Ölkəmiz belə böyük tədbirlər keçirməyə alışıb. Biz də bu nümunəni götürərək, yarışa ciddi səviyyədə hazırlaşırıq. Çalışırıq ki, turnir Azərbaycanın adına layiq olsun. Bu cür yarışlar böyük məsuliyyət tələb edir".
Qeyd edək ki, dünya çempionatı 21 may - 1 iyun aralığında Milli Gimnastika Arenasında keçiriləcək. Azərbaycan yığması 32 komandanın iştirak edəcəyi mundialın A qrupunda Sloveniya, Mavritaniya və Bəhreynlə mübarizə aparacaq.
18:31 19.05.2025
Oxunuş sayı: 632
