"Bakı Marafonu 2025" başladı: Minlərlə iştirakçı "Küləyə qalib gəlmək" üçün yarışır
Heydər Əliyev Fondunun təşəbbüsü ilə "Küləyə qalib gəl" şüarı altında keçirilən "Bakı Marafonu"na start verilib.
Crossmedia.az xəbər verir ki, 2016-cı ildən təşkil olunan "Bakı Marafonu" idmanın inkişafına dəstək göstərmək, sağlam həyat tərzini təbliğ etmək məqsədi daşıyır.
21 kilometrlik məsafəni əhatə edən marafonun start nöqtəsi ilə yanaşı finişi də Dövlət Bayrağı Meydanında olacaq.
Yarış iştirakçıları Dövlət Bayrağı Meydanı - Dənizkənarı bulvar - Bakı Beynəlxalq Dəniz Vağzalı - Neftçilər prospekti - Bakı Ağ şəhər bulvarı - Xəqani Rüstəmov küçəsi - Bakı Ağ şəhər bulvarı, Yusif Səfərov küçəsi - Üzeyir Hacıbəyli küçəsi, Üzeyir Hacıbəyli küçəsi - Azadlıq prospektinin bir hissəsi - Zərifə Əliyeva küçəsi (Hökumət evi, Muzey Mərkəzi), Neftçilər prospekti (Kukla teatrı, Qız qalası, "Azneft" dairəsi), Bakı Funikulyoru, Bayıl dairəsi, Bibiheybət yolu (Su İdmanı Sarayı) və Dənizkənarı bulvar boyunca hərəkət edərək (Su İdmanı Sarayının arxası, Bakı Kristal Zalı) - Dövlət Bayrağı Meydanı marşrutu üzrə hərəkət edəcəklər.
Sonda qaliblərin mükafatlandırılması mərasimi olacaq.
Qeyd edək ki, yarışın qızıl medal mükafatçısı 3000, ikinci pillənin sahibi 2000, üçüncü yerin sahibi isə 1000 AZN mükafat əldə edəcək.
10:00 04.05.2025
Oxunuş sayı: 11490
