Azərbaycanın turizm imkanları Rusiyanın 3 şəhərində təqdim edilib
Azərbaycan Turizm Bürosunun təşəbbüsü ilə ölkənin turizm imkanları Rusiyanın Yekaterinburq, Tümen və Novosibirsk şəhərlərində təqdimatlar keçirilib. Bu barədə Dövlət Turizm Agentliyi məlumat yayıb.
Bildirilib ki, bu təqdimatlar turizm sahəsində mövcud əməkdaşlığı genişləndirmək və ölkənin turizm imkanlarını yerli turizm sənayesi nümayəndələrinə tanıtmaq məqsədi daşıyıb.
Məlumata görə, ümumilikdə 220-yə yaxın turizm sənayesi mütəxəssisinin bir araya gəldiyi tədbirlərdə iştirakçılara Azərbaycanın müxtəlif turizm istiqamətləri ilə bağlı təqdimatlar baş tutub.
Yerli turizm sənayesi təmsilçilərinin iştirak etdiyi B2B formatlı görüşlərdə əməkdaşlıq imkanları müzakirə olunub.
18:06 14.04.2025
Oxunuş sayı: 1004
