Gənclər və İdman
Aprelin 9-da gənclər və idman naziri Fərid Qayıbov Qax və Şəki sakinlərini qəbul edib.
Qəbuldan öncə nazir Fərid Qayıbov Şəki Rayon İcra Hakimiyyətinin başçısı Elxan Usubovla birlikdə Şəki şəhərində ümummilli lider Heydər Əliyevin abidəsini ziyarət edib, önünə gül dəstələri qoyub, xatirəsini ehtiramla yad ediblər.
Crossmedia.az xəbər verir ki, Şəki Olimpiya İdman Kompleksində keçirilən qəbulda vətəndaşları diqqətlə dinləyən nazir Fərid Qayıbov onların müraciətlərinin həlli üçün müvafiq tapşırıqlar verib.
Qeyd edək ki, qəbul mərkəzi icra hakimiyyəti orqanları rəhbərlərinin şəhər və rayonlarda aprel ayı üzrə vətəndaşların qəbulu cədvəlinə əsasən həyata keçirilib.
19:22 09.04.2025
Oxunuş sayı: 14194
