Azərbaycan və Türkiyə suriyalı, qanalı uşaqlar üçün iftar təşkil edib
Azərbaycan və Türkiyə Ramazan ayı çərçivəsində humanitar fəaliyyətlərə dəstək olaraq Suriya və Qanada uşaqlara iftarlar təşkil edib.
Crossmedia.az xəbər verir ki, bu barədə xarici media məlumat yayıb.
Belə ki, Dəməşqdə Azərbaycan səfirliyi 1000 uşağa yemək təmin etmək məqsədilə üç günlük proqram başladıb.
Proqramın ilk mərhələsində 500 uşağa iftar verilib, həmçinin şeirlər oxunub və digər təqdimatlar keçirilib.
Qeyd olunur ki, bu təşəbbüs Azərbaycan səfirliyinin Suriyada uzun müddətlik fasilədən sonra fəaliyyətini bərpa etməsini simvollaşdırır.
Qananın paytaxtı Akkrada isə Türkiyə Əməkdaşlıq və Koordinasiya Agentliyi (TIKA) və HUDAI Fondu tərəfindən Milli Məsciddə 1300 uşağa iftar təşkil edilib.
Bildirək k, tədbirdə Türkiyənin rəsmi şəxsləri, layihə tərəfdaşları və yerli nümayəndələr iştirak edib.
Fatimə Məmmədova
16:10 26.03.2025
Oxunuş sayı: 1236
