KİV: Rusiya dərhal sülh danışıqlarına apara biləcək atəşkəs istəyir
Moskvanın öncədən bir sıra güzəştlər əldə etmək istədiyi bildirilir.
Crossmedia.az xarici KİV-ə istinadən xəbər verir ki, Rusiya prezidenti Vladimir Putin hələ də Ukraynada atəşkəslə bağlı təklifə rəsmi cavab verməyib, lakin artıq ABŞ-nin prezidenti Donald Trampa Ukrayna münaqişəsinə bu qədər diqqət yetirdiyi üçün təşəkkür edib. Ekspertlər hesab edirlər ki, bu, təsadüfi deyil.
"Riddle Russia" analitik saytının baş redaktoru, politoloq Anton Barbaşin bildirib ki, Putin Trampın onun məlum sazişə maraq göstərdiyinə inanmasını istəyir.
Onun sözlərinə görə, Rusiya lideri Trampı sövdələşməyə razı salmaq üçün lazımi addımları atmağa çalışır və Zelenskinin etdiyi kimi onu qıcıqlandırmaq istəmir.
Putinin irəli sürdüyü şərtlər əslində Rusiya üçün konkret tələblərdir:
Kursk vilayətində rus ərazisində döyüşən Ukrayna əsgərləri təslim olmalıdır.
Atəşkəs zamanı Ukrayna yeni əsgərlər üçün mobilizasiya keçirməməlidir.
Qərb bu müddətdə Kiyevə silah tədarükünü dayandırmalıdır.
Putin bəyan edir ki, atəşkəs uzunmüddətli sülhə və münaqişənin səbəblərinin aradan qaldırılmasına gətirib çıxarmalıdır. Ekspertlər isə bu qeyri-müəyyən ifadənin Moskvanın danışıqları öz uzunmüddətli məqsədlərinə uyğun yönləndirmək üçün bir vasitə olduğunu düşünürlər. "Rusiya elə bir atəşkəs istəyir ki, dərhal sülh danışıqlarına gətirib çıxarsın", – deyə Barbashin vurğulayır. Buna görə də Moskva əvvəlcədən bir neçə güzəşt əldə etməyə çalışır, o cümlədən:
Ukraynanın NATO-ya heç vaxt qoşulmayacağına dair zəmanət.
Bu zəmanətin həm NATO-dan, həm də Ukraynadan alınması.
Qeyd edək ki, lakin Vaşinqton qısa fasilədən sonra yenidən Ukraynaya silah göndərməyə başlayıb, Ukrayna üçün mobilizasiya isə müdafiəsini qorumağın yeganə yoludur. Bu səbəbdən Kiyevin bu şərtləri qəbul etməsi ehtimalı azdır.
"Bütün Vaşinqton bəyanatlarına baxmayaraq, Ukraynanın hələ də kifayət qədər güclü mövqeyi var", – deyə təhlükəsizlik eksperti Dmitri Alperoviç bildirir. Onun sözlərinə görə, Kiyev ABŞ-nin dəstəyi olmadan da Avropanın köməyi ilə müdafiəsini davam etdirmək imkanına malikdir.
Məlumata görə, Barbaşinin fikrincə, əgər Putin bu tələblərini qəbul etdirməyə nail olsa, bu, Avropanın təhlükəsizlik arxitekturası ilə bağlı daha geniş müzakirələrə yol açacaq. ABŞ-də Tramp NATO-ya skeptik yanaşdığından, Moskva onun belə bir müzakirədə iştirak etməyə meyilli olacağını düşünə bilər.
Eyni zamanda, ekspertlər Trampın Putin üzərində təsir imkanlarının məhdud olduğunu qeyd edirlər. Rusiya lideri sanksiyalara baxmayaraq, ölkə iqtisadiyyatının hələ də fəaliyyət göstərdiyini və hərbi xərclərlə dəstəkləndiyini iddia edir.
"Trampın Rusiya ilə müqaviləyə qarşı çıxmaq üçün çox az variantı var. Ən təsirli yol güc tətbiq etmək deyil, böyük bir razılaşma vədi ola bilər", – deyə Carnegie Russia Eurasia Center analitiki Aleksandr Baunov vurğulayıb.
Xumar Əhmədova
11:40 16.03.2025
Oxunuş sayı: 767
