Crossmedia.az könüllülərinə sertifikatlar təqdim edilib - FOTOLAR
Crossmedia.az analitik informasiya portalında könüllülük proqramını müvəffəqiyyətlə bitirən gənclərə sertifikatlar təqdim edilib. Tədbirdə portalın baş redaktoru Mübariz Göyüşlü və redaktoru Aygün Qurbanlı iştirak edərək könüllüləri təbrik ediblər.
Mübariz Göyüşlü çıxışında bildirib ki, media sahəsində praktiki biliklər qazanmaq və təcrübə əldə etmək gələcək jurnalistlər üçün böyük əhəmiyyət daşıyır. O, könüllülərin Crossmedia.az-da qazandıqları bacarıqların onların karyera yolunda mühüm rol oynayacağını vurğulayıb.
Aygün Qurbanlı isə qeyd edib ki, portal daim gənc jurnalistlərin inkişafına dəstək verir və onların peşəkar media mühitinə inteqrasiyasını təşviq edir. O, könüllülərə gələcək fəaliyyətlərində uğurlar arzulayıb.
Qeyd edək ki, Crossmedia.az könüllü proqramı çərçivəsində gənclər xəbər yazmaq, araşdırma aparmaq və media materiallarının hazırlanması sahəsində bilik və bacarıqlar əldə edirlər.
Emil Bağızadə
20:18 07.03.2025
Oxunuş sayı: 34852
