BRİKS də Rusiya- Ukrayna müharibəsinə müdaxilə edir? -Ekspert açıqladı
Rusiya- Ukrayna müharibəsində “sular durulmadıqca” yeni versiyalar ortaya çıxır. Bəzi iddialara görə, perspektivdə BRİKS təşkilatının Şərqi Avropaya sülhməramlı qüvvə göndərməsi məsələsi gündəmdədir. Məlum olduğu kimi, BRİKS 2006-cı ildə yaradılıb, Braziliya, Rusiya, Hindistan, Çin, Cənubi Afrika Respublikası, Misir, Efiopiya, İran, Birləşmiş Ərəb Əmirlikləri və İndoneziyanı özündə birləşdirən hökumətlərarası təşkilatdır. Əvvəlcə investisiya imkanlarını müəyyən edən qruplaşma hökumətləri 2009-cu ildən bəri hər il rəsmi sammitlərdə toplaşan və çoxtərəfli siyasətləri koordinasiya edən vahid geosiyasi bloka çevrilib.
Səslənən iddiaların
real ehtimal, yoxsa, sadəcə informasiya müharibəsinin tərkib hissəsi olması məsələsi
isə sual altındadır.
Sözügedən iddia ilə bağlı
Crossmedia.az-a danışan politoloq Aytən Qurbanova bunu real hesab etmədiyini
deyib: “Məsələ burasındadır ki, BRİKS hələ tam təşkilatlanmayıb. Üstəgəl, o,
iqtisadi təşkilatdır. Hərbi- siyasi prioritetləri yoxdur. Qərb mediası yazır ki, BRİKS
G-7-ə aternativdir və gələcəkdə hərbi – siyasi təşkilata da çevrilə bilər. Amma
bu, bu gün üçün real deyil”.
Kənan Novruzov
12:40 19.02.2025
Oxunuş sayı: 16490
