Ədliyyə Nazirliyindən "Cross Media"nın sorğusuna CAVAB
Azərbaycan vətəndaşlarının soyadlarının dövlət dilinə uyğunlaşdırılması haqqında Azərbaycan Respublikası Milli Məclisinin 02.02.1993-cü il tarixli Qərarı ilə Azərbaycan Respublikasının vətəndaşlarının “-ov” “-yev”, sonluqlu soyadlarının “-lı” (sözün kökündən asılı olaraq “-li”, “-lu”, “-lü”), “-zadə”, “-oğlu”, “-qızı” sonluqlu və ya sonluqsuz ifadə formaları ilə əvəz edə bilməsi nəzərdə tutulub.
Bu barədə Ədliyyə Nazirliyindən Crossmedia.az-ın sorğusuna cavabda bildirilib:
“Azərbaycan Respublikası Nazirlər Kabinetinin 2011-ci il 12 may tarixli 79 nömrəli qərarı ilə təsdiq edilmiş “Adın, ata adının və soyadın verilməsi və dəyişdirilməsi Qaydaları”nın 5.1-ci bəndinə əsasən Azərbaycan Respublikasının 18 yaşına çatmış hər bir vətəndaşının ərizəsinə əsasən onun mövcud soyadının sonluğuna dəyişiklik edilir”.
Qeyd edək ki, 2024-cü ildə 1479 nəfər öz soyad sonluğuna dəyişiklik edib. Onlardan 49 şəxs dövlət dilinə uyğunlaşdırılmış soyadlarını, qalanlar isə -ov –yev sonluqlu soyadlarını –zadə və ya –lı (sözün kökündən asılı olaraq “-li”, “-lu”, “-lü”), -soy, -oğlu, -qızı sonluqlu və ya sonluqsuz sonluqlu formaları ilə əvəz edib.
Nəzrin Salmanova
17:13 17.02.2025
Oxunuş sayı: 21693
