Naxçıvanda "Konstitusiya ili"nə həsr olunmuş güləş birinciliyi keçirilib
Naxçıvanda İlham Əliyev adına Olimpiya İdman Kompleksində yeniyetmələr arasında (2010-2012) "Konstitusiya və Suverenlik İli"nə həsr olunmuş sərbəst güləş üzrə muxtar respublika birinciliyi keçirilib.
Crossmedia.az Naxçıvan Gənclər və İdman Nazirliyinin mətbuat xidmətinə istinadən xəbər verir ki, ölkə birinciliyinə seçim xarakteri daşıyan yarışa şəhər və muxtar respublikanın bölgələrindən ümumilikdə 81 idmançı qatılıb.
Nazirliyin Azərbaycan Güləş Federasiyası (AGF) ilə birgə təşkil etdiyi birincilikdə 10 çəki dərəcəsində medalçılar müəyyənləşib. İlk üç yerin sahibinə diplom və medallar təqdim olunub.
Yarışda ədalətli idarəçiliyin təmin olunması məqsədilə AGF Hakimlər Kollegiyasının sədri Qərib Əliyev iştirak edib. Beynəlxalq dərəcəli hakim Əli Babayev yarışın hakimlərindən biri kimi təmsil olunub.
Nəticələrə gəlincə, müvafiq çəki dərəcələrində Hüseyn Əliyev (85 kiloqram), Üzeyir Məmmədli (75 kiloqram), Mətin Cabbarlı (68 kiloqram), Polad Əhmədov (62 kiloqram), Eltun Abuzərli (57 kiloqram), Ramal Rüstəmov (52 kiloqram), Tural Mirzəyev (48 kiloqram), Məcnun Abbasov (44 kiloqram), Əsəd Abidinov (41 kiloqram) və Elşad Əliyev (38 kiloqram) birinci olublar.
23:39 06.02.2025
Oxunuş sayı: 3783
