Xarici xəbərlər

Suriya iqtisadiyyatı xarici investorlar üçün açıq olacaq

Suriyanın xarici işlər naziri Əsəd Həsən əl-Şibani ölkə iqtisadiyyatını xarici sərmayələrə açmaq planları haqqında danışıb.
Crossmedia.az xəbər verir ki, o, İsveçrədə keçirilən Davos İqtisadi Forumunda çıxışı zamanı Körfəz ölkələri ilə enerji və elektrik tərəfdaşlıqlarının qurulması istiqamətində davam edən səyləri qeyd edib:
"Suriyanın iqtisadi resursları müxtəlifdir və bizim çoxlu sektorlarımız var - sənaye, turizm... Əlbəttə ki, gələcəkdə iqtisadiyyat açıq olacaq və xarici investisiyalar üçün yol açacaq".
Qeyd edək ki, Şibani bu ayın əvvəlində əlaqələri gücləndirmək üçün Səudiyyə Ərəbistanı, BƏƏ və Qətərə səfər edib.
O, həmçinin Suriyanın inklüziv siyasi keçidin bir hissəsi kimi bütün ictimai qrupların nümayəndələrini cəlb etməklə yeni konstitusiya layihəsi hazırlamaq üçün milli dialoq keçirmək niyyətini vurğuladı. Proses azad və ədalətli seçkilərə yol açmaq, Suriyanın suverenliyini və ərazi bütövlüyünü bərpa etmək məqsədi daşıyır.