Türkiyə ordusu son bir həftədə 69 terrorçunu məhv edib
Türk silahlı qüvvələri son bir həftədə 69 terrorçunu zərərsizləşdirib.
Crossmedia.az türk mətbuatına istinadən xəbər verir ki, Milli Müdafiə Nazirliyinin bəyanatında yanvarın 1-dən indiyədək İraqda 64, Suriyanın şimalında isə 157 olmaqla ümumilikdə 221 terrorçunun zərərsizləşdirildiyi bildirilib.
Bəyanatda deyilir: "Türk Silahlı Qüvvələrimiz terror yuvalarını məhv etməyə davam edir. İraqın şimalında Claw-Lock əməliyyatı bölgəsində aşkar edilən terrorçulara aid mağaralarda çox sayda silah, sursat və yaşayış materialı ələ keçirilib. Yenə bu həftə Şimali İraqdakı sığınacaqlarından qaçan daha bir PKK terrorçusu Cizre/Şırnakdakı Sərhəd Mühafizə Məntəqəmizə təslim olub.
Qüvvələrimizin terrorla mübarizəsi bir nəfər də olsun terrorçu qalmayana qədər qətiyyətlə davam edəcək".
13:42 23.01.2025
Oxunuş sayı: 769
