ABŞ və Rusiya arasında gizli danışıqlar gedir: Zelenski qarşısında ağır şərt qoyulacaq
ABŞ-la Rusiya arasında Şərqi Avropadakı müharibəyə son qoyulması ilə bağlı gizli müzakirələr aparılır.
Crossmedia.az xəbər verir ki, bu barədə xarici KİV məlumat yayıb.
ABŞ-nin Mərkəzi Kəşfiyyat İdarəsi (CIA) və Rusiyanın Xarici Kəşfiyyat Xidməti (SVR) tərəfindən yaradılmış gizli bir əlaqə xətti vasitəsilə danışıqlar aparıldığı iddia edilir.
Bildirilib ki, ABŞ Prezidenti Donald Tramp Tramp ukraynalı həmkarı Volodimir Zelenskiyə sülh üçün çox ağır şərt təqdim edəcək.
Qeyd edək ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb. Tramp daha əvvəl müharibəni bu il bitirmək üçün çalışacağını deyib. Zelenski isə söyləyib ki, savaşı 2025-ci ildə bitirmək üçün mümkün olan hər şeyi edəcək.
Fidan Hacızadə
11:50 23.01.2025
Oxunuş sayı: 1414
