ABŞ-da fövqəladə vəziyyət elan olunub
ABŞ Prezidenti Donald Tramp ölkənin cənub sərhədində qanunsuz miqrasiya ilə mübarizə üçün fövqəlada vəziyyət elan edib.
Crossmedia.az xarici mətbuata istinadən xəbər verir ki, bunun ardınca Meksika sərhədinə əlavə 1.500 əsgər göndərilməsi planlaşdırılır.
Adı açıqlanmayan yüksək rütbəli ABŞ rəsmisi bildirib ki, Trampın elan etdiyi təcili vəziyyət çərçivəsində ordu Meksika sərhədinə əlavə qüvvələr göndərməyə hazırlaşır. Lakin əsgərlərin nə vaxt yerləşdiriləcəyi barədə məlumat verilməyib.
Tramp prezidentliyə gəldikdən sonra imzaladığı fərmanla ABŞ Müdafiə Nazirliyinə cənub sərhədində tam əməliyyat nəzarəti təmin etmək üçün əlavə əsgərlərin yerləşdirilməsi tapşırığını vermişdi.
Hazırda Meksika sərhədində 2.200 əsgər və minlərlə Milli Qvardiya üzvü xidmət göstərir.
Fidan Hacızadə
11:39 23.01.2025
Oxunuş sayı: 3972
