Xarici xəbərlər
ABŞ Prezidenti virtual narkoticarət şəbəkəsinin yaradıcısını əfv edib
ABŞ Prezidenti Donald Tramp qeyri-qanuni narkotik vasitələrin satıldığı “tünd internet” bazarı olan “Silk Road”ı idarə edən Ross Ulbrixt üçün tam və qeyd-şərtsiz əfv imzalayıb.
Crossmedia.az “BBC”yə istinadla xəbər verir ki, Tramp bu barədə özünün “Truth Social” sosial şəbəkəsində yazıb.
O bildirib ki, Ulbrixtin anasına zəng edərək bu xəbəri ona şəxsən çatdırıb.
Qeyd edək ki, Ulbrixt 2015-ci ildə Nyu-Yorkdakı Manhattan məhkəməsində narkotik vasitələrin yayılmasında, cinayətkar birlikdə iştirakda, çirkli pulların yuyulmasında, sənədlərin saxtalaşdırılmasında və haker hücumlarında təqsirli bilinərək ömürlük həbs cəzasına məhkum edilib.
Nəzrin Salmanova
23:59 22.01.2025
Oxunuş sayı: 116073
