Xarici xəbərlər
Putin inflyasiya ilə bağlı fikirlərini bölüşüb
"Rusiyada inflyasiya mülayim olmalıdır". Bu fikri Rusiya Federasiyasının Prezidenti Vladimir Putin səsləndirib. Onun sözlərini “РИА Новости” yayımlayıb.
Crossmedia.az “Lenta.ru”a istinadən xəbər verir ki, dövlət başçısının fikrincə, ümumilikdə istehlak bazarında iqtisadi balansın pozulmasına yol vermək olmaz.
“Əhəmiyyətli olan tələbatın vəziyyətini, onun sahələr üzrə strukturunu və kreditləşmə həcmini diqqətlə izləməkdir”, – deyə prezident bildirib.
Bundan əvvəl verilən məlumatda 1-dən 13 yanvar tarixinə qədər Rusiyada inflyasiyanın 0,67 faiz təşkil etdiyi bildirilmişdi. Ərzaq məhsulları seqmentində qiymət artım tempi 1,16 faiz, meyvə-tərəvəz məhsullarında isə 2,91 faiz olaraq qiymətləndirilib. Qeyri-ərzaq məhsulları üçün isə bu rəqəm 0,26 faiz təşkil edib.
Əvvəllər “Росстат”ın yaydığı məlumata görə, keçən ilin yekunlarına əsasən rəsmi inflyasiya səviyyəsi 9,52 faiz olub. Ərzaq məhsullarının qiyməti 11,05 faiz artıb.
Rusiya Bankının proqnozlarına əsasən, yaxın aylarda inflyasiya artmaqda davam edəcək və aprel ayında pik həddinə çatacaq.
Nərgiz Camalzadə
20:20 22.01.2025
Oxunuş sayı: 4060
