Slovakiya hökumət çevrilişi təhlükəsi: təcili iclas çağırılıb
Slovakiyanın baş naziri Robert Fitso hökumətin devrilməsi təhlükəsi ilə bağlı 23 yanvar tarixində ölkənin Təhlükəsizlik Şurasının təcili iclasını çağırıb.
Crossmedia.az xəbər verir ki, Fitso keçirdiyi mətbuat konfransında Slovakiyada xarici ekspertlər qrupunun fəaliyyət göstərdiyini və onların ölkədəki mövcud hökuməti devirmək məqsədi daşıdığını bildirib:
“Hazırlanan model çox sadədir və bir çox ölkələrdə sınaqdan keçirilib. Təsdiq edə bilərəm ki, Gürcüstandakı hadisələrdə iştirak etmiş və Ukraynadakı Maydanda fəal iştirak edən bir qrup Slovakiyada mövcuddur. Bu qrup müxtəlif mənbələrdən maliyyələşdirilir,” – deyə Fitso qeyd edib.
Baş nazirin sözlərinə görə, hökumətə qarşı etiraz aksiyaları zamanı hökumət binalarına qanunsuz daxilolmalar və ya onların işinə mane olmaq məqsədilə işğal cəhdləri ola bilər.
Fitso bu təhlükənin qarşısını almaq üçün Təhlükəsizlik Şurasının ciddi tədbirlər görəcəyini vurğulayıb.
Gültac Mehdizadə
18:43 22.01.2025
Oxunuş sayı: 4666
