Xarici xəbərlər

Rafael Qrossi Rusiya və Ukraynaya səfər edəcək

Beynəlxalq Atom Enerjisi Agentliyinin (İAEA) rəhbəri Rafael Qrossi Rusiya və Ukraynaya səfər etməyi planlaşdırır.
Crossmedia.az xəbər verir ki, bu barədə “Reuters” məlumat yayıb.
Səfərlərin növbəti bir neçə həftə ərzində baş tutacağı qeyd olunur. Bundan əlavə, İAEA rəhbərinin sözlərinə görə, təşkilat “Zaporojye Atom Elektrik Stansiyası” (Zaporojye AES) ətrafında hərbi fəaliyyətlə bağlı narahatdır.
Dekabrın sonunda Vyanada beynəlxalq təşkilatlar qarşısında Rusiya nümayəndəsi Mixail Ulyanov bildirmişdi ki, Moskva, əgər Ukraynadan gələn təhlükə davam edərsə, stansiyaya gedəcək marşrutun Rusiyadan keçməsini nəzərdən keçirəcək. Hazırda marşrut əvvəlcə Ukrayna, sonra isə Rusiya ərazisindən keçir.
17 yanvarda İAEA Zaparojye AES-dəki vəziyyəti qeyri-sabit olaraq qiymətləndirib. Bildirilir ki, partlayışlar həm stansiyadan orta məsafədə, həm də stansiyanın yaxınlığında baş verir.
Nərgiz Camalzadə