Şeynbaum: "Miqrantlarla bağlı ABŞ rəsmiləri ilə danışıqlar aparacağıq"
Milli Sarayda təşkil edilən gündəlik mətbuat konfransında danışan Şeynbaum, ABŞ-dən geri qaytarılacaq və ya ABŞ-yə gedərkən Meksikada olanların humanitar şəkildə ölkələrinə geri göndəriləcəyini bildirib.
Crossmedia.az xarici KİV-ə istinadən xəbər verir ki, Tramp administrasiyası ABŞ-yə qanuni giriş üçün sərhəd nəzarətini ləğv edir.
"Bütün Mərkəzi Amerika ölkələri, xüsusilə Qvatemala ilə razılaşma var və hətta bu yaxınlarda bu məqsədlə görüş də keçirilib. Kuba ilə razılaşma var. Sənədsiz immiqrantlar Meksika ərazisinə deyil, birbaşa gəldikləri yerə deportasiya edilməlidirlər",- deyə Şeynbaum qeyd edib.
akin immiqrasiya siyasətimiz çərçivəsində əcnəbi olduqları üçün mənşə ölkələrinə qayıtmalarını istəyirik.
Ölkəsindəki qeyri-qanuni mühacirlərə humanitar diqqət göstəriləcəyini ifadə edən Şeynbaum, “Məsələ burasındadır ki, əgər bu insanlar Meksika torpaqlarındadırsa, biz onlarla humanitar səbəblərlə məşğul oluruq lakin immiqrasiya siyasətimiz çərçivəsində əcnəbi olduqları üçün öz ölkələrinə qayıtmalarını istəyirik".
Şeynbaum, miqrantların vəziyyəti ilə bağlı ABŞ rəsmiləri ilə danışıqlar apardıqlarını və hökumətə gəldikdən sonra könüllü geri qayıtmağı prioritet olaraq təşviq etdiklərini qeyd edib.
Qeyd edək ki, andiçmə mərasimindən sonra ABŞ prezidenti Donald Tramp ölkədəki qeyri-qanuni immiqrasiya probleminə diqqət çəkərək 2019-cu ildə olduğu kimi ABŞ-Meksika sərhədində Milli Fövqəladə Hal elan edib və qeyri-qanuni immiqrasiyanın qarşısını alacağını və bu insanları deportasiya edəcəyini bildirib.
12:22 22.01.2025
Oxunuş sayı: 3376
