Bu ölkə Aİ-dən 30,6 milyard avro dəstək almaq istəyir
Ukrayna 2025-ci ildə Avropa İttifaqından (Aİ) 30,6 milyard avro büdcə dəstəyi cəlb etməyi planlaşdırır.
Crossmedia.az Ukrayna KİV-lərinə istinadən xəbər verir ki, bu barədə Maliyyə Nazirliyi Sergey Marçenko məlumat verib.
“Avropa İttifaqı 2022-ci ilin fevral ayından etibarən birbaşa büdcə dəstəyinin ən böyük donorudur. Bu müddət ərzində Aİ ölkələrindən prioritet büdcə xərclərinin maliyyələşdirilməsi üçün təxminən 45 milyard avro cəlb edilib (Ukraynaya əlavə olaraq, digər Avropa ölkələrindən 5 milyard avro gəlib). 2024-cü ildə Aİ büdcə dəstəyi xarici gəlirlərin 40%-dən çoxunu təşkil edib - bu, 16,1 milyard avro deməkdir. Bu yardıma 3 milyard avro qrant daxildir. Qalan məbləğ güzəştli kreditlərdən ibarətdir”, - Marçenko Brüsseldə Aİ-nin İqtisadi və Maliyyə Məsələləri Şurasının iclasında çıxışı zamanı qeyd edib.
Nərgiz Camalzadə
19:41 21.01.2025
Oxunuş sayı: 1462
