ABŞ-da yalançı yanğınsöndürənlər tutuldu
ABŞ-nin Oreqon ştatında iki nəfər Los-Angelesdə baş verən Palisades yanğını zamanı yanğınsöndürən kimi davranmaqda şübhəli bilinərək saxlanılıb.
Crossmedia.az xarici KİV- ə istinadən xəbər verir ki, Los-Angeles polisinin yaydığı məlumatda bildirilir ki, Palisades yanğını zamanı polis patrulu yanğınsöndürmə briqadası ilə birgə hadisə yerindən keçərkən şübhəli görünən bir yanğınsöndürmə maşınına rast gəlib. Araşdırma zamanı maşında olan iki nəfərin yanğınsöndürmə formasında olduğu aşkar edilib.
Onlar özlərini Oreqon ştatındakı “Roaring River Yanğınsöndürmə Departamenti”nin əməkdaşları kimi təqdim etsələr də, sözügedən departamentin mövcud olmadığı və maşının isə açıq artırmada alındığı müəyyən olunub. Saxlanılan şəxslərin üzərində Kaliforniya Yanğınsöndürmə Departamentinə (CAL-Fire) məxsus köynək, dəbilqə və rabitə cihazları olub.
Onlar yanğınsöndürən adı ilə qanunsuz hərəkət etdiklərinə görə həbs ediliblər.
Fidan Hacızadə
10:32 21.01.2025
Oxunuş sayı: 848
