Xarici xəbərlər
Fatimə Məmmədova
ABŞ prezidenti Panama kanalına nəzarəti ələ keçirmək planlarını açıqlayıb
ABŞ-nin yeni seçilmiş prezidenti Donald Tramp Panama kanalına nəzarəti geri qaytarmaq planlarını açıqlayıb.
Crossmedia.az xarici KİV-ə istinadən xəbər verir ki, bu barədə Donald Tramp andiçmə mərasimində çıxışı zamanı bildirib.
“Amerika gəmiləri həddindən artıq pul ödəyir və heç bir şəkildə, o cümlədən ABŞ Hərbi Dəniz Qüvvələri tərəfindən ədalətli xidmət almır. Çin Panama kanalını idarə edir, amma biz onu Çinə verməmişdik. Biz onu Panamaya vermişdik və indi geri qaytarırıq”, – deyə Tramp bildirib.
O, həmçinin vurğulayıb ki, ABŞ öz hərbi qüdrətini bərpa edəcək və bu, bütün silahlı münaqişələrə son qoymağa imkan verəcək.
Qeyd edək ki, keçən ilki seçkilərdə onun seçki tərəfdaşı olmuş Cey Di Vens də vitse-prezident vəzifəsinə başlayıb.
Fatimə Məmmədova
22:48 20.01.2025
Oxunuş sayı: 3415
