Xarici xəbərlər

KİV: ABŞ NATO-dan dəstəyini çəkir, Avropa qabaqlayıcı addım atır

Avropa ölkələri, ABŞ-nin yeni seçilmiş prezidenti, Respublikaçıların lideri Donald Trampın NATO-dan dəstəyini çəkmək təhdidləri qarşısında müdafiə xərclərini artırmaq və Alyansdakı mövqelərini gücləndirmək üçün addımlar atmağa çalışır.
Crossmedia.az xəbər verir ki, bu barədə "Foreign Policy" jurnalında yazılıb. Məqalədə qeyd edilir ki, təklif edilən "Atlantik Xartiyası 2025" çərçivəsində Avropanın müdafiə potensialını artırmaq qarşılığında ABŞ-ın Avropadakı qoşun səviyyəsini mövcud vəziyyətdə saxlaması nəzərdə tutulur.
Bu razılaşma Avropanın gücləndirilmiş müdafiə potensialı sayəsində ABŞ-nin Avropa üçün nəzərdə tutulan ehtiyat qüvvələrinin bir hissəsini Asiya regionuna yönəltməsinə imkan yarada bilər. Bu, həm Tramp administrasiyası üçün erkən bir uğur, həm də ABŞ-ın NATO qarşısındakı öhdəliklərinin davamı kimi qiymətləndirilə bilər.
Bildirilir ki, təklif olunan xartiya üç əsas problemi hədəf alır:
-Rusiyanın Ukrayna və NATO üzvlərinə qarşı təcavüzkar davranışı, Çinin hərbi genişlənməsi və aqressiv mövqeyi, həmçinin ABŞ-ın artan qlobal müdafiə öhdəlikləri və müdafiə yükünün ədalətli bölgüsü ilə bağlı haqlı narahatlıqları.
Bu çərçivədə, xartiyada Avropanın müdafiə sahəsində minimum qabiliyyətlərini dəqiqləşdirməsi və artıq razılaşdırılmış planları icra edə bilməsi üçün nə etməli olduğu sualı ortaya qoyulur.
Nabat Fərzəliyeva