Baltikdə sualtı kabellər zədələnib
Qərb kəşfiyyatı Rusiyanın Baltikdəki kabellərin zədələnməsində iştirakını təkzib edir
Crossmedia.az TRT Haber-ə istinadən xəbər verir ki, ABŞ və Avropa təhlükəsizlik xidmətləri Baltik dənizinin dibindəki sualtı kabellərin zədələnməsində Rusiyanın iştirakına dair heç bir sübut tapmadı.
Həmçinin, ABŞ və Avropa təhlükəsizlik xidmətləri kabellərin zədələnməsinin təxribat deyil, qəza nəticəsində baş verdiyi qənaətinə gəliblər. Məlumata görə, kommersiya gəmilərinin sualtı kabellərin keçdiyi ərazidə qəsdən lövbər salmasına dair heç bir dəlil aşkar edilməyib. Sübutlar, ekipajların təcrübəsizliyi və gəmilərin zəif texniki xidməti nəticəsində baş vermiş qəzaları göstərir. ABŞ rəsmiləri sualtı infrastrukturun zədələnməsinin təsadüfən baş verdiyinə dair "aydın göstərişlərə" istinad ediblər.
Avropa rəsmisi isə hadisələrdə Rusiyanın iştirakına dair "əks sübutların" mövcud olduğunu bildirib.
Dekabrdan etibarən, Finlandiya körfəzi boyunca Finlandiya ilə Estoniya arasında keçən EstLink 2 enerji kabeli qəza nəticəsində dayandırılıb. Finlandiya polisi və sərhəd xidməti, kabellərin zədələnməsində şübhəli bilinən "Eagle S" adlı neft tankerini, Cook Adaları bayrağı altında saxlayıb.
Qeyd edək ki, NATO Baltik dənizindəki sualtı infrastrukturun qorunmasına yönəlmiş "Baltik Gözətçisi" adlı missiyanı başladıb.
Fatimə Məmmədova
16:11 19.01.2025
Oxunuş sayı: 6513
