İsveç Rusiya sərhədinə 600 əsgər göndərdi
İsveç Rusiya sərhədinə 600 əsgər göndərib. Bu, ölkənin NATO çərçivəsində ilk missiyasıdır.
Crossmedia.az xarici KİV-ə istinadən xəbər verir ki, hərbi qüvvələr gizli şəkildə dəniz yolu ilə Latviyaya yerləşdirilib. Onlar 6 ay müddətində Rusiya Federasiyası ilə sərhədi qorumaq üçün orada yerləşdiriləcək.
Qlobal məqsəd Rusiyanı NATO-nun üzv ölkələrinin ərazi bütövlüyünə meydan oxumaqdan çəkindirməkdir.
Bundan əvvəl, İsveçin Baltik dənizində NATO-nun patrul missiyasına qoşulacağı bildirilib.
Qeyd edək ki, sonuncu dəfə İsveç hərbi qüvvələri 1990-cı illərdə Avropada sülhməramlı missiyada iştirak edib. Həmin vaxt onlar Kosovodakı əməliyyatlara cəlb olunmuşdular.
Fatimə Məmmədova
07:47 19.01.2025
Oxunuş sayı: 2172
