"HİSAR-O”nun atışlı sınaq fəaliyyətində hədəfə tam dəqiq zərbə endirildi
Türkiyə Respublikasının Prezident Administrasiyasının Müdafiə Sənayesi Komitəsinin sədri Prof. Dr. Haluk Görgün, “ X” hesabından etdiyi paylaşımda Türkiyə müdafiə sənayesinin qürur mənbəyi olan “HİSAR-O” hava və raket müdafiə sisteminin kütləvi istehsal çərçivəsində keçirilən atışlı testlərdən birini daha uğurla tamamladığını bildirib.
Crossmedia.az bildirir ki, bu uğurun Türk müdafiə sənayesinin kütləvi istehsal qabiliyyətlərini və texnoloji üstünlüyünü bir daha sübut etdiyini vurğulayan Görgün, bunları qeyd edib:
“Türk Silahlı Qüvvələrinin inventarına təhvil verməyə davam etdiyimiz bu yeni nəsil sistem, uzaq məsafədə və yüksək hündürlükdəki hədəfləri tam dəqiqliklə vurdu. Bu qürurverici uğurda əməyi keçən, başda ASELSAN, ROKETSAN və Rəhbərliyimizin əməkdaşları olmaqla, bütün alt podratçılarımıza təşəkkür edirik. Ölkəmizin müdafiə texnologiyalarındakı yüksəlişi hər keçən gün daha da güclənərək davam edir.”
Nərgiz Camalzadə
19:23 18.01.2025
Oxunuş sayı: 4574
