Türkiyədə faciə: Sahibsiz itlərin hücumuna məruz qalan uşaq həyatını itirdi
Türkiyədə sahibsiz itlərin hücumuna məruz qalan uşaq həyatını itirib. Boş sahədə gəzən 12 yaşlı Eslem Teker, sahibsiz itlərin hücumuna məruz qalıb.
Crossmedia.az TRT Haber-ə istinadən xəbər verir ki, Hakkaridə sahibsiz itlərin hücumuna məruz qalan bir qız uşağı, aparıldığı xəstəxanada həyatını itirib.
Ağır yaralanan uşağı görənlərin xəbər verməsi ilə hadisə yerinə 112 Təcili Tibbi Yardım və polis qrupları cəlb edilib.
Tibb işçilərinin müdaxiləsindən sonra təcili yardım maşını ilə dövlət xəstəxanasına aparılıb. Lakin xəstəxanada həkimlərin bütün səylərinə baxmayaraq Eslem Teker xilas edilə bilməyib.
Qeyd edək ki, xəstəxanada gözləyən uşağın yaxınları göz yaşlarına boğulub, əsəb böhranı keçirib.
Fatimə Məmmədova
18:44 18.01.2025
Oxunuş sayı: 1160
