Qəzzada azad ediləcək şəxslərin siyahısı əsir dəyişdirilməsindən bir gün əvvəl açıqlanacaq
İsrail və Həmas arasında əldə edilən atəşkəs və əsir mübadiləsi razılaşması çərçivəsində azad ediləcək əsirlərin siyahısının hər mübadilə günündən bir gün əvvəl yayımlanacağı bildirilib.
Bu barədə Crossmedia.az “TRTHaber”ə istinadən bildirir.
Qəzza Zolağındakı Əsirlər Məlumat Bürosunun yazılı açıqlamasında qeyd olunub ki, “İsrail, atəşkəs çərçivəsində razılaşdırılmış əsir dəyişdirilməsi mexanizminin birinci mərhələsi üçün siyahını açıqlayacaq. Bu, İsrailin öz maraqlarına uyğun bir addımdır.”
Açıqlamada əsirlərin azad edilməsi mexanizminin İsrailli əsirlərin sayı və onların hansı kateqoriyaya aid olması ilə bağlı olduğu vurğulanıb. Razılaşmanın birinci mərhələsinin 42 gün davam edəcəyi qeyd olunub.
Bürodan bildirilib ki, “İsraillə əldə edilmiş razılaşmaya əsasən, azad ediləcək əsirlərin siyahıları atəşkəs şərtlərində razılaşdırılmış mexanizm çərçivəsində hər dəyişdirilmə günündən əvvəl açıqlanacaq.”
Gültac Mehdizadə
12:45 18.01.2025
Oxunuş sayı: 1973
