Rusiya ittiham etdi: "Yaxın Şərqdəki böhranın səbəbi Amerikadır"
Rusiyanın BMT-dəki daimi nümayəndəsi Vasili Nebenzya, Yaxın Şərqdə hazırda davam edən böhranın ABŞ-ın uğursuz siyasətləri nəticəsində yarandığını bildirib.
Bu barədə Crossmedia.az “TASS”a istinadən xəbər verir.
“Bu problemlər heç yerdən meydana çıxmayıb. Onlar İsrailin misli görünməmiş hərbi əməliyyatları fonunda ortaya çıxdı. İsrail rəhbərliyi hazırda yeddi cəbhədə müharibə aparmaqdan danışır. Bu əməliyyatlar, çox yaxın vaxtlara qədər, Vaşinqtonun şərtsiz hərbi və beynəlxalq dəstəyi ilə həyata keçirilirdi. Lakin ABŞ-ın faciəvi siyasətləri yalnız hazırda Yaxın Şərq bölgəsini, onun mülki əhalisini və orada çalışan sülhməramlıları cənginə alan böhran vəziyyətini yaratdı,” - deyə Nebenzya vurğulayıb.
Gültac Mehdizadə
12:33 18.01.2025
Oxunuş sayı: 2160
