Türkiyə: “Terrorun bitdiyi və sabitliyin bərqərar olduğu bir Suriya üçün çalışırıq”
Türkiyə Prezidentinin Xarici Siyasət və Təhlükəsizlik üzrə Baş məsləhətçisi Akif Çağatay Kılıç, Almaniyanın Berlin şəhərində türk icmasının nümayəndələri ilə görüşündə, qonşu ölkələrə təhlükə yaratmayan, terrorun sona çatdığı və sabit gələcəyə töhfə verə bilən bir Suriya üçün çalışdıqlarını bildirib.
Crossmedia.az xəbər verir ki, Kılıç qeyd edib ki, Suriya xalqı uzun illər qanlı bir dövr keçirdi və hazırda yenidən qurulma mərhələsinə qədəm qoyub. Türkiyənin Suriyadakı fəal rolu və qaçqınların öz evlərinə qayıtması üçün göstərdiyi səylər beynəlxalq səviyyədə tanınır.
Kılıç Türkiyə-Avropa İttifaqı münasibətlərinə toxunaraq, Aİ-yə üzvlüyün Türkiyə üçün strateji hədəf olduğunu və bu istiqamətdə qətiyyətlə irəlilədiklərini vurğulayıb. O, həmçinin Almaniya ilə müdafiə sənayesi sahəsində əməkdaşlığın əhəmiyyətini də qeyd edib.
Gültac Mehdizadə
07:50 18.01.2025
Oxunuş sayı: 5986
