Bayden və Netanyahu arasındakı mübahisəli dialoq
ABŞ Prezidenti Cozef Bayden qatıldığı müsahibədə İsrail Baş naziri Benyamin Netanyahu ilə aralarında keçən maraqlı dialoqu bölüşüb.
Crossmedia.az xarici KİV-ə istinadən xəbər verir ki, Cozef Bayden Həmasın İsrailə hücumundan sonra Netanyahu ilə müzakirə aparıb.
Bayden müsahibəsində deyib:
"Həmasın hücumundan sonra İsrailə getdim və Netanyahuyə dedim ki, ‘Bibi, mülki əhalini hədəfə alaraq hər yeri bombalamaq olmaz.’ O isə mənə cavabında dedi: ‘Amma siz İkinci Dünya Müharibəsində Berlini eyni şəkildə bombaladınız, nüvə silahı istifadə etdiniz. Ordunuz müharibəni qazanmaq üçün minlərlə günahsız insanı öldürdü.’”
Bayden mövqeyini belə ifadə edib:
"Nə olursa olsun, bir düşmənə görə onlarla mülki vətəndaşı öldürmək olmaz."
Lakin Netanyahu ona cavabında: "Onlar da bizim insanlarımızı öldürdülər," deyə bildirib.
Qeyd edək ki, İkinci Dünya Müharibəsi zamanı ABŞ xüsusilə Berlin və Drezden şəhərlərinə ağır bombardmanlar həyata keçirmişdi. Drezdendə təxminən 25 min insanın həlak olduğu bildirilir.
Fatimə Məmmədova
20:33 17.01.2025
Oxunuş sayı: 1812
