Avropa Maskı sıxışdırır
Avropa İlon Maska məxsus "X" platformasından alqoritmlər ilə bağlı sənədləri tələb edib.
Crossmedia.az xəbər verir ki, Avropa Komissiyası "X" alqoritminin Rəqəmsal Xidmətlər Qanununa (DSA) nə dərəcədə uyğun olduğunu qiymətləndirmək üçün sənədləri tələb edib. Əsasən istifadəçilərə tövsiyə edilən məzmunları müəyyən edən alqoritmlərin sənədlərinin verilməsini istəyiblər. Bu tələb Komissiyanın 2023-cü ildə "X" platformasına qarşı başlatdığı mövcud araşdırmanın genişləndirilməsi deməkdir.
Almaniya hökuməti, İlon Maskı qarşıdan gələn fevral ayındakı seçkilərə ifrat sağçı AfD partiyasının lehinə müdaxilə etməkdə ittiham edib.
"Financial Times"ın məlumatına görə, Avropa komissiyasının etdiyi son tələblər bu iddialarla bağlı deyil.
İndi AK "X"in tövsiyə sistemləri ilə bağlı daxili sənədləri və şirkətdə edilən son dəyişikliklər haqqında məlumatları da istəyib. O, həmçinin dəyişikliklərin 2025-ci ilin sonuna qədər qeyd olunmasını tələb edən qoruyucu sərəncam verib.
AK-nin bu addımı "X"-in alqoritmik sistemlərinin necə işlədiyini daha ətraflı araşdırmaq və platformanın şəffaflıq standartlarına cavab verib-vermədiyini qiymətləndirmək üçün atılıb.
Tərlan Əmrahova
18:20 17.01.2025
Oxunuş sayı: 2933
