Xəbərlər

Strateji tərəfdaşlıq sazişinin əsas məqamları nələrdir?

Rusiya və İran arasında strateji tərəfdaşlıq sazişinin əsas məqamları nələrdən ibarətdir?

Crossmedia.az həmin məsələləri diqqətə çatdırır:

1. Tərəflərdən birinə hücum olarsa, digəri təcavüzkara heç bir köməklik göstərməməlidir.

2. Rusiya və İran hərbi-texniki əməkdaşlığı inkişaf etdirmək öhdəliyini təsdiqləyib və buna qlobal təhlükəsizliyin qorunmasının vacib komponenti kimi baxıb.

3. Ölkələr birgə hərbi təlimlərin keçirilməsində yaxından əməkdaşlıq edəcəklərini vurğulayıblar.

4. Moskva və Tehran üçüncü ölkələrin bir-birinə qarşı sanksiyalarına qoşulmaqdan çəkinəcək və birtərəfli məcburi tədbirlərin tətbiq olunmamasına zəmanət verəcək.

5. Rusiya və İran üçüncü ölkələrdən müstəqil ödəniş infrastrukturu yaratmaq üçün əməkdaşlıq etmək barədə razılığa gəliblər.

6. Moskva və Tehran silahlara nəzarət, tərksilah və beynəlxalq təhlükəsizliyin təmin edilməsi sahəsində əməkdaşlıq edəcəklərini bildiriblər.

7. Moskva və Tehran dezinformasiya və neqativ təbliğata qarşı iki ölkə mediası arasında əməkdaşlığı inkişaf etdirmək barədə razılığa gəliblər.