Aİ Pezeşkianın Rusiyaya səfərinə münasibət bildirib
"İran Prezidenti Məsud Pezeşkianın strateji tərəfdaşlıq müqaviləsi imzalamaq üçün Rusiyaya səfəri Moskvanın zəifliyini göstərir".
Avropa İttifaqı (Aİ) Xarici Siyasət Xidmətinin nümayəndəsi Anita Hipper bu səfəri belə qiymətləndirib.
Crossmedia.az bu barədə “European Pravda”ya istinadən məlumat verir.
Hipperin sözlərinə görə, Rusiya tərəfinin sülhə maraq göstərməsi barədə bəyanatlarına baxmayaraq, Moskva guya “öz qanunsuz aqressiyasını davam etdirmək üçün ümidsiz şəkildə kömək axtarır. Bu, Rusiyanın zəifliyini daha da çox göstərir,” - deyə Aİ rəsmisi vurğulayıb.
Qeyd edək ki, əvvəlcə Rusiya Prezidenti Vladimir Putin və İran lideri Pezeşkian Kreml sarayında Rusiya ilə İran arasında Hərtərəfli Strateji Tərəfdaşlıq müqaviləsini imzalayıblar. Dövlət başçılarının sözlərinə görə, sənəd müdafiə, enerji, maliyyə, sənaye, mədəniyyət, elm və dünyada terrorizmlə mübarizə kimi müxtəlif sahələrdə əməkdaşlığı əhatə edir.
Gültac Mehdizadə
16:48 17.01.2025
Oxunuş sayı: 4764
