Rusiya və İran arasında strateji tərəfdaşlıq müqaviləsi imzalanıb
Rusiya və İran arasında Hərtərəfli Strateji Tərəfdaşlıq Müqaviləsinin mətni Kremlin rəsmi saytında dərc olunub.
Crossmedia.az “TASS”-a istinadən xəbər verir ki, bu çoxsəhifəli sənəd daha əvvəl Kreml sarayında iki ölkənin prezidentləri Vladimir Putin və Məsud Pezeşkiyan tərəfindən imzalanmışdı.
Müqavilə 47 maddədən ibarətdir və iki ölkə arasında müxtəlif əməkdaşlıq sahələrini əhatə edir. Sənəddə Moskva və Tehran arasında uzunmüddətli perspektivdə əməkdaşlığın inkişafı üçün hüquqi çərçivə təsbit edilib.
Qeyd edək ki, müqavilə, Rusiya və İranın strateji tərəfdaş statusunu təsdiqləyərək müdafiə, terrorizmlə mübarizə, enerji, maliyyə, nəqliyyat, sənaye, kənd təsərrüfatı, mədəniyyət, elm və texnologiya kimi bütün sahələri əhatə edir.
Gültac Mehdizadə
16:31 17.01.2025
Oxunuş sayı: 16702
