Çindən Trampın andiçmə mərasiminə kim qatılacaq?
ABŞ-nin 47-ci prezidenti seçilən Donald Trampın andiçmə mərasimində Çini vitse-prezident Han Çinin təmsil edəcəyi açıqlanıb.
Crossmedia.az xəbər verir ki, Çinin Xarici İşlər Nazirliyindən verilən yazılı açıqlamada, Hanın yanvarın 20-də keçiriləcək mərasimə dövlət başçısı Si Cinpinin xüsusi nümayəndəsi kimi qatılacağı bildirilib.
Açıqlamada Çin və ABŞ münasibətlərinin qarşılıqlı hörmət və sülh içində bir arada yaşamaq prinsiplərinə bağlı olduğu qeyd olunub:
“Biz ABŞ-ın yeni hökuməti ilə dialoq və əlaqəni təkmilləşdirməyə, fikir ayrılıqlarını lazımi şəkildə idarə etməyə, həmçinin qarşılıqlı faydalı əməkdaşlığı genişləndirməyə hazırıq".
Tərlan Əmrahova
15:45 17.01.2025
Oxunuş sayı: 14746
