Netanyahunun Qəzza vədi ortaya çıxdı: Qəzzadakı münaqişəni gizli şəkildə davam etdirəcək
İsrailin baş naziri Benyamin Netanyahu hökumətə gizli şəkildə Qəzza zolağında müharibəni davam etdirəcəyinə söz verib.
Crossmedia.az xəbər verir ki, "The Washington Post” istinadən xəbər verir ki, Təl-Əviv, girovların azad edilməsi üzrə sövdələşmənin birinci mərhələsi başa çatdıqdan sonra bölgədəki əməliyyatı davam etdirəcək.
Qeyd olunur ki, Netanyahunun HƏMAS ilə müqavilə bağlamaq qərarı onun müttəfiqləri - maliyyə naziri Bezalel Smotriç və milli təhlükəsizlik naziri İtamar Ben Qvir tərəfindən sərt tənqidlərə səbəb olub. Onlar baş nazirə bildiriblər ki, razılaşma həyata keçərsə, hökuməti tərk edəcəklər.
Bundan əvvəl Dohada İsrail ilə HƏMAS arasında Qəzza zolağında girovların azad edilməsinə dair sazişin imzalandığı təsdiq olunub.
Razılaşma ABŞ, Misir və Qətər tərəfindən qarantiyaya alınıb. Rusiya isə sövdələşmədə iştirak etməyib.
Atəşkəsin 16-cı günündə İsrail və HƏMAS razılaşmanın ikinci mərhələsi üzrə danışıqlara başlamağa söz verdilər. Ehtimallara görə, bura qalan girovların azad edilməsi, daimi atəşkəs və İsrail qoşunlarının tamamilə çıxarılması daxildir.
Tərlan Əmrahova
15:33 17.01.2025
Oxunuş sayı: 17844
